Idles-iw

Tira s wazal-is win yettarun yettekkes kra ɣef ul-is, qqaren daɣen: "yettekkes-ed ayen i t iqeṛḥen", alebεeḍ ma ad ak yini: "yenna-d ayen i t iqeṛḥen". Tira daɣen tezmer a d tili daɣen d-amrig n umussnaw, anda iwehha ticcert-is umyaru ad-yessuffeɣ tiyitiwin-is, tiyitiwin qeṛṛiḥen yugaren tiyiḍ.

Ayen din n yimyura mechuṛen ssεan azal ɣer yigduden, sefhamen-ed ayen ara d-arun s tarrayt yettwafhamen, ma ad ak inin ɣef walebεaḍ d amyaru n tidett, mi ara teɣreḍ adlis-is neɣ ayen yebɣu yarut-id alama tḍemεeḍ ad-tuɣaleḍ am netta, acku yeqqar-ed isentlen d tlufa am akken ttekksen turza (cced) i tyersiwin, yal asentel yerzan medden yewwi-d fellas, ayen ttran medden d wayen keṛhen yewwi-d fellasen. Imyura ad-naf meslen isental, jebbden degsen rennun alama ik ssuffɣen-k s-annar n tifrat.
Imyura di tugett seqdacen tutlayt s iberdan isefken, ggaren-ed inzan d tenfaliyin d yinzan ur nedd'ara s waṭas, yal taɣawsa yemluqan ad-tt-tafeḍ deg udlis n umyaru n tidett. Amyaru yessεa taɣara deg yimuhal-ines, ur d-yettaru kan ayen yellan d aḥerfi neɣ d menwala, am akken yettmeyyiz daɣen iwata fellas a d-yessuffeɣ adlis deg ara wehmen medden ur yelli deg ara ḍṣen, acku yella wedlis, yella wedlis!

    A. Tafat