Idles-iw

Tafsut imaziɣen tebda-d ass n 10 di meɣres 80, asmi i d-necden inelmaden n tseddawit Dda Lmulud akken a d-yefk asarag ɣef udlis-is ‘Isefra n Teqbaylit Iqbuṛen’. Adabu n ukabar awḥid(n yimir-nni) yugi-yas s unegzum, inelmaden rfan ɣef temsalt-agi, kkren gan timesbaniyin d tikli tameqqrant di temdint, ar deqqal yekker imeṛẓi ger inelmaden d yimeslulta. Assen azekk-nni wala ugar, ar deqqal tella-d tikli di lezzayer tamaneɣt ass n 26 di meɣres, talluft tetabaɛ tayeḍ, akken-akken armi tewweḍ ar wass ameqqran 20 yebrir 80, ass-nni mačči d inelmaden kan, maca d agdud aqbayli i d-ineɣlen s-umata ɣer temdint n Tizi-ouzou, ass n 20 yebrir i tebda tegrawla n tmaziɣt, tettkemmil yal tikelt, tuɣal d ansay n tikli di 20 yebrir ar ass-a. Mi dyewweḍ 20 yebrir a d-nemmekti tamaziɣt d wayen i tt ixuṣṣen, ad-t-nessengem ad-t-id nernu ɣer tfekka-s d texzant-is, d tazmert. 

    Sɣur Amar Tafat