Idles-iw

Di tallit n Ccix Muḥend tella yiwet n tmeṭṭut, tettakwer ayefki i medden, di taddart anda yella uyefki a d-yuɣal ɣur-s, yili nettat, yiwet n taɣaṭ i tessεa.

Yiwwas tṛuḥ ar Ccix Muḥend akken ad yεeceṛ, tewwi deg ifassen terna ɣef uqerru. Inna-yas Ccix

— Acu i d-wwiḍ akka a leflantega

Tenna-yas

— D ayefki anεem a Ccix. Usiɣ- d ad εecṛeɣ. 

Inna-yas Ccix

— Aεni tessεiḍ lmal?

Terra-yas, tenna-yas

— Ala anεem a Ccix, sεiɣ kan yiwet n taɣaṭ
— Yiwet n taɣaṭ tettak-am-d akk annect-a?
— Ih
— Amek?
— Anεem a Ccix ttcewwireɣ-as i uyefki. Anda yella a d-yuɣal ɣur-i
— Amek is-teqqareḍ mi ara tesenddeḍ?
— Qqareɣ-as anεem a Ccix

Taxsayt-iw dduh dduḥ
Ḍil deg udrar ṛuḥ
Awi-d udi ur icuḥ
A lukan ar waεṛab bwecluḥ

— Anεem a Ccix iɣi d wudi n medden akw a d-yuɣal ɣur-i

Yenna-yas Ccix

— Ihi nek mačči akken is-qqaregh

— Amek anεem a Ccix

Inna-yas Ccix

— Nek qqareɣ-as

Taxsayt-iw dduḥ dduh 
Akken is-tṛuḥeḍ
I Ṛebbi ad-ak-iṛuḥ

Yeɣɣa-yas diɣ Ccix ar taggar

— Ekker lḥu-yi syagi!  Ṛuḥ ad-tzuṛeḍ anda tugadeḍ, mačči anda tuɣḍaḍeḍ

Yettwakkes-d deg udlis Yenna-yas Ccix Muḥend LM

                                                                                                Amar Tafat