Idles-iw

Tutlayt tamaziɣt tugett deg imaziɣen ur ḥmmilen ad-arun yiss, neɣ ad-ɣɣren-yiss, maca rezgg-is d yiseɣ-is ḥemmlent, isaram-it yal yiwen d yiwet. Taɣawsa deg tettawiḍ rezzg acimi ur tt-teseqdaceḍ ara neɣ ur s tettagaḍ azal? D tagi i d tuttra, i d tiεewji.

Di tillawt tamaziɣt tḥemmel, tettarra rezgg i wid d tid is-igan azal d leqrar, win umi tezga deg yiles d ufus-is d wallaɣ-is. Am wakken qqaren imenza deg yinzi "la kkateɣ deg-m a taḥrirt, nek tetteɣ deg idisan-im". Wa d aɣawas(lεib), ulac tamurt deg i t-nufa. Nekwni nekkat ad-tt-id nessali, wiyaḍ rennun-ed taẓeyt-nnsen, s temsal ur nessεi nfaε. Aqlaɣ di taggara n wakud 2971, yal ttawil yella i welmad n tutlayt s talwit d uɣiwel, win i tt-iḥemmlen, yeshel akken ad-tt-yissin d umatu. Aru a gma(weltma) (t)amaziɣ(t) s tutlayt-ik(im), issin ad-tt-teɣreḍ, ur ttbada tikelt, tutlayt i tebɣuḍ tessneḍ iban, ma tessneḍ, war ma tzuxeḍ, war ma tugadeḍ, aswir-ik(im) beggen-it-id meqqer, ma tegiḍ-ed taɣawsa yelhan s tmaziɣt, ulac win ar ad-ak(m)-yekksen amkan ideg telliḍ, neɣ ak(m)-yesenqes deg uzal-ik(im). Sebɣes s tnifit win d tin yettarun s tmaziɣt, ad-iḥuss yissek(m) d amassan yegzan, terniḍ-ed iɣallen-ik(im) d lǧehdd-ik(im), i tutlayt tḥemmleḍ am akken d yemmak(m) i wumi tezwiḍ lḥif d uɣilif, neɣ tagmatt i wumi tekkseḍ tugdi d ufcal. Aru s tmaziɣt ernu eg tasuqilt, ma tebɣid izen ad-iεelli s igenni, ma d aεzal n tutlayt ur walaɣ anda yessawaḍ, ur yettawi ɣer tama iǧehden, wala ɣer tdukli, yettawi ahat ar tyiwenit! Amdan yezmer a d-yegwri i yiman-is kan, s anda yerra ad-t-id yerr uɣalad. Gedha ɣef wid d ttid yettarun, yeɣɣaren s tmaziɣt.

                 AMAR TAFAT