Ayen senfaliɣ di fasebbuk ɣef tmuɣli n tudert d yidles, iḍṛisen s wuṭṭunen, wa deffir-wa.
1- Ma yelluẓ wallaɣ, iban yebɣa asekkil, yebɣa tamussni d tussna. Ma ur yečči wallaɣ, netta ur yelluẓ ara, d wa i d ugur, d wa i d abrid iεeṛqen...
Adlis n tmedyazt sghur Zoulikha Isahnounen
|
Yiwet n tmedyazt s tutlayt n teqbaylit seg tama n Bgayet, s yisem-is Zulixa Iseḥnunen, tessuffeɣ-d yiwen n udlis n tmedyezt s yisem-is "Tajeǧǧigt n iḥulfan", anda i d-tefka aṭas n-isefra yessεan anamek s waṭas, adlis yewwi-d ɣef yal asentel(sujet), am wakken i d-tewwi daɣen kra n tejmilin ɣef kra n imussnawen, tewwi-d daɣen yiwen n usefru teqqar-as: "mmi".
A. Tafat |
Tugna n udlis
Idles-iw
Tam n imagraden n usekkud n tudert d idles
Asekkud ɣef tudert d yidles
Ayen senfaliɣ di fasebbuk ɣef tmuɣli n tudert d yidles, iḍṛisen s wuṭṭunen, wa deffir-wa.
1- Ma yelluẓ wallaɣ, iban yebɣa asekkil, yebɣa tamussni d tussna. Ma ur yečči wallaɣ, netta ur yelluẓ ara, d wa i d ugur, d wa i d abrid iεeṛqen... 2- Ayen txedmeḍ ɣas igerrez ayhuh! Llan wid ar iqecmen fell-as . Di tama ad nessawal ar tdukli, di tayeḍ, ad nesseqcaṛ deg wid d tid imehhlen seg ul. Wigi d igan igwerdan. Yir ameslay d taxessaṛt a mmi, yettarra imuhal timenddeffirt 3- Qqimeɣ akka, selleɣ i tmedyezt-iw d wayen i d-nniɣ d awal deg ibidyuten giɣ deg izri, yella wanda is qqareɣ "lemmer is giɣ akken nniḍen deg umkan-a, dihin dagi". Yella wanda is nniɣ "lemmer am tura, ur zmmireɣ ara, a d-geɣ tikti am tagi, neɣ imeslayen am wigi". Yal akud s tiktiwin-is. 4- Ttaruɣ kan s neyya-w, ayen i d-yusan ad t-id serseɣ, ur tturareɣ/laεbeɣ/ara ɣef tmnerna(lɣelb). Ziṛiɣ kan yiwet n tɣawsa, d akken, akken tbɣud tẓewṛed, a d-afeḍ win neɣ tin ik yugaren, neɣ win neɣ tin ik yernan...kml ɣef uzwel wis sin
Amussnaw di tidett
Ammud n yiḍṛisen i d-senfaliɣ ΓEF UMUSSNAW deg umiḍan-inu n fasebbuk
1- Amussnaw: d win yessnen, d win yettwassnen d amussnaw, ɣur-s tarmit meqqren. Imussnawen, ttemyagwaren s termit, yal amussnaw d aswir-is. Yella umezyan; yella ulemmas; yella umeqqran.
2- Imassanen zemmren i yal tawaɣit, anagar Uzmir i sen-izemmren. Ussan-a dɣa sliɣ yiwen usalli(ur ẓṛiɣ ara ma teslam-as), d akken, yiwen ublaḍ deg igenni (astéroïde), atan yettmal d tikli a d-yeɣli, ihi imassanen n Marikan(la Naza), uznen-as yiwen umisil ara t-iqeṛεen. Lemmer am zik-nni yili, ur s d-ttafen tifrat, ad isenger tamurt uɣur ara d-yeɣli
3- Ulac taɣawsa ɣef ur d-wwin imussnawen, sawlen-d uma deg umkan n yifṛax...
Yenna-yas yitbir "aẓ-akkin aẓ-akkin ma ulac ad iyi-teččeḍ!".
4- Uḥdiq yellan d amussnaw, yebɣan a d-yeqqim s tehri deg umezruy, ur iwata a d-yesnulfu tillufa n menwala i yiman-is, ur i ttuqqam ara iεdawen ur nelli, ad ittaṣeki ɣef tezwert(llsas) n tidett. Tikli-is a d-tezgg tufrar, temgarred ɣef tin win yeɣwa uṣuṛddi, ad yili yessen d acu ara yeg d wayen ara d-yini d aẓṛef mačči d arelluc, ad t-ttwalin yimdanen am temrayt anda ara sneqden timsal.
5- YENNA YUSEF-U-QASI
D ul-iw i d ccix-iw
Abrid iɣer inh'ar t-aɣeɣ
D ul-iw i d afrag-iw
Abrid ɣef i iḥudd ttixṛeɣ
Tasuqilt/ traduction
Mon cœur est mon guide
La voie qu'il m'indique je la suis
Mon cœur est mon mentor
La voie qu'il m'interdit je la fuis.
———————
Lmulud Mεemri/Isefra n Teqbaylit Iqbuṛen
6- Llan kra iwata dayen kan xeddmen i iwata ad xeddmen akk medden, ma yili ẓewṛen deg yiwet n tɣawsa kan.. Acimi? Acku d ayen kan i ssnen, lemmer ad ffɣen syen, ad ten-iwet uzuḥḥim. D tin-a n uɣenja i useqqi kan, neɣ d tin-a n serdin, ma yeffeɣ deg waman yemmut! Ihi ttasmen, mi ara walin yiwen iẓweṛ yekka-d nnig-sen, ad kkaten deffir-uεrur, ad ssemεanen akkin akka! Dezdag dezdag imi d ta i tigzi!
7- Nek mačči seg widak yettɣiman deg uxxam ad isawal tikerkas, ḥemmlaɣ annar(sur le terrain). Yal tama anda rziɣ, allaɣ-iw yettnadi tutlayt d yidles, ttakeɣ tameẓzuɣt, am wakken tettreɣ s waṭas. D aymi, m'ur ɣdimeɣ ara kra ur t-id-ttiniɣ ara. Ayen ɣef i ttekleɣ d uɣdim s tumert, ad t-id-siwleɣ srid. S tidett nessεa akk cwiṭuḥ n tibuhelt, maca nek, ur tt-id-sudufeɣ ara ar tira-inu. Mi walaɣ taɣawsa-inu, i d-ssuffɣeɣ uzdaget, "anef-as i lehwa ad tewwet!".
8- IMFELSEF IGERZEN /Un bon philosophe
Anwa i d amussnaw, neɣ akken is neqqar "imfelsef" yelhan(un bon philosophe) ? D win yumren s wayen yessεa, d win yettkemmilen deg imuhal-is, d win ur sexlaεen ara wungifen. Tagi d tafelsuft igerzen.
Yenna-yak yiwen n uddeṛwiḍ "Kateb Yasin, ur yeẓwiṛ ara, imi mačči "d apṛufisur" n tseddawit, ur yesselmed ara!". Rriɣ-as, nniɣ-as "Yasin Kateb yesselmed akk izzayriyen, yerna ula d iṛumyen". Gerzeɣ-as takṛabaṭ!
9- Yal tineqiṭ di tussna s wazal-is, ma teεreq-ak yiwet, neɣ ur tt-tessineḍ, a d-tettban am tfawett, ur tezmiṛeḍ ad tt-tɣummeḍ.
10- Di ddunnit yal wa d acu iḥemmel s waṭas, wa iḥemmel taɣawsa, wa iḥemmel tamussni. Annect-a yekka-yaɣ-d, yettban-d si temẓi-nneɣ, asmi netturar gar-aneɣ.
12- Yenna Ammud n yiḍṛisen i d-senfaliɣ ΓEF UMUSSNAW deg umiḍan-inu n fasebbuk
Assaɣen: https://idles-iw.blog4ever.xyz/articles ¶ fb : https://www.facebook.com/amar.tafat.14