Idles-iw

AGRAW

Sɣur Amar Tafat

Ay itbir-iw amaεzul
Azneɣ-k ɣer lefḥul
At yidles amaziɣ
Zgger qawja d wewtul
Ma d wid riɣ seg ul
Zul-iten fiḥel ma lliɣ
Ad ten-tafeḍ qqaren akk azul
Ḥemmlen azamul
Γer itran i ten-ttcabiɣ

D nutni i d inegman
Banen-iyi-d wehhan
Safeɣ s tidmi-w ẓṛiɣ
D uḥdiqen irna ɣɣran
Ur zeggren amassan
Ddiɣ akk-idsen uliɣ
Ur ten εdileɣ d imegran
At semm n wuglan
Widen ɣef ur ttnadiɣ
Ay abṛaṛaq ɣas ɣiwel
Ar wid nḥemmel
Ad ten-tafeḍ zzin d agraw
Ttzulu ɣaf tarwa n llaṣel
At wawal yemsel
Yal wa deg-sen d amussnaw
D wat n tigzi wuku naεdel
Γaf ungifen nregwel 
Akka i tega nneyya-w