Idles-iw

Akken i d-nlull ara nemmet yiwwas; asmi i d-nlull ur neẓṛi ara armi i d-nufa iman nneɣ s-ufella n tmurt. Nlull-ed ur nettwali ur nsell, ar deqqal nettwali nsell; tafekka s-immal tgemmu, iẓṛi igemmu, allaɣ igemmu, i-syen akkin asmi nessεa tazmert, ad naf aṭas n yigan i-nega. Yal amdan d acu n yigi yexdem, yal wa d tazmert-is, yal wa d-tamussni-s, yal wa d allaɣ-is, yal wa d-tiktiwin-is, yal yiwen d-isenfaṛen-is. Imdanen mgarrden ɣef wiyaḍ, tazmert nnsen temgarred, yal wa d ayen yexdem ama zik; ama tura. Wa yeḥkem, wa yuṣka(yebna), wa yuɣ-ed, wa yessnulfa-d, wa yura, wa yessefra, wa yeccna, wayeḍ yeqqim kan ɣer yiman-is, akken yebɣa, ur yexdim kra.                                                                            

               Amar Tafat